2025.6.7-C│愛情公寓交友網站與聊天室

還沒登入愛情公寓嗎？還沒加入愛情公寓嗎？馬上進入公寓和 10,573,853 個住戶交朋友～

紅包抽抽樂！小資變土豪！

素人也能成為明日之星！

移除此區廣告請加入VIP

檔案狀態:

住戶編號:2268321

C 的日記本

快速選單

2025.6.1 《前一篇

後一篇》 2025.6.8

回應

給他日記貼紙

給他愛的鼓勵

檢舉

篇名: 2025.6.7
作者: C	日期: 2025.06.07　　天氣: 　心情:

今仔日是六月初七，禮拜六。我佇葛雷多摸非。

昨昏彩排，一透早就趕去辦公室交代資料欲予代班
毋過代班一直無出現，可能是我袂記講我的辦公室。
無到半點鐘閣愛趕去現場。
頂擺主辦人共副董大聲歹，這擺有較精光
這擺頭家家己來看，點出幾項愛改。
雖然較早結束，我嘛趁一個閒。
毋過下晡上班無聊無聊，當欲下班，主辦人煞敲電話來講欲開會。
會開甲五點外，敲予太太，予伊去接囡仔。
身為主持人的我猶好，另外工程師負責影片的，恐驚下昏暗免睏矣。
下班我以為欲去新厝，結果無紮鎖匙。佇外口停車格等。
結果太太因為感冒，今仔無來新厝。
我只好開轉去，到厝七點外矣。
太太這擺感冒應該誠嚴重，早時去看小兒科，按時轉去看伊倒咧眠床休息。
因為無停車位，我停到公園邊仔。
這站仔傷濟無順心的代誌矣：
訂無月租停車位，車冷氣歹去，修理萬幾箍，囡仔逐禮拜閣愛去團練
工作上，辦公室同事後個月走的走，去一線的去一線。因為今年太濟同事欲走矣。
雖然時機歹歹，一線一直減，嘛減袂赴離職。
害原本阮這二線的，資淺的攏愛去坐頭前矣。

辦公室原本欲共楊仔順風做伙食飯。
我規氣招逐家六月十八下晡作伙來新厝唱歌。

今仔日囡仔中晝欲去排練，暗時演出
太太昨昏講伊大兄大嫂欲來高雄，有可能會借新厝歇睏。
阿母昨暗跋倒，挵著頭額佮手鼓，昨下晡家己去看骨科，手猶腫咧。

我應該是想傷濟矣。
一項一項來，日時工課先做好，莫想上市的代誌，
顛倒猶在線的愛顧好。先培養新一批，莫欲後日仔家己氣惱。
逐冬這陣，我攏會攑吉他，但是今年煞無相表現，
我應該愛揣幾條簡單好唱的台語歌當做手路菜。
這馬電腦內底攏是中國歌，文化滲透誠嚴重，
另外，我愛準備上市演說，這對產品上市的信心，會有真大的幫贊。

也就是講，時間咧過，我煞綴無著逝，是因為無心？抑是頭腦咧退化？

銀行林仔共拜三拜五下晡攏請假了，叫我代理，我就無法度請矣，誠鬱卒。

標籤:

瀏覽次數:11 人氣指數:11 累積鼓勵:0

切換閱讀模式

回應

給他日記貼紙

給他愛的鼓勵

檢舉

給本文愛的鼓勵：