2011.01.21禮拜五-C│愛情公寓交友網站與聊天室

還沒登入愛情公寓嗎？還沒加入愛情公寓嗎？馬上進入公寓和 10,541,271 個住戶交朋友～

紅包抽抽樂！小資變土豪！

素人也能成為明日之星！

移除此區廣告請加入VIP

檔案狀態:

住戶編號:2268321

C 的日記本

快速選單

2011.01.20禮拜四《前一篇

後一篇》 2011.01.22禮拜六

回應

給他日記貼紙

給他愛的鼓勵

檢舉

篇名: 2011.01.21禮拜五
作者: C	日期: 2011.01.21　　天氣: 　心情:

今仔日禮拜五
睏真晚才起來，隨趕去上班，因為落雨，無想欲坐捷運行路，偷偷駛車去。
原本想講無偌濟儂來，應該足順利就會完成。
所以先去買一杯７11咖啡，擱一粒飯丸，
另外嘛將存兩杯涼仔做夥提，因為過了今仔日，想愈好好歇睏幾日。

當當電腦開起來，欲開始做時陣，電話來啊。
是彼位受害者家屬掛來詢問，給我討加害人的電話，
我先掛過確定留予伊無要緊了後，就給伊講。
結果，無偌久，伊擱掛來，講兩造雙方講未"伸車"，強欲冤家。
所以決定來這當面講，叫我做公親。

我取雙方去二樓揣大頭家，請伊做公親來協調。
當然大頭家是何等人物，出入內外，江湖行踏四五十冬，
這一點仔代誌當然嘛是三兩句話就"戡定"起來。
當然，代誌發生在我身上，伊就是是愛槓囝仔予人看，對方情緒才會穩定。
我身為這款角色，就大扮，阿沙力做一咧黃蓋。
反正錢了人無代，代誌若會解決，擱較疼我嘛未唉。

會開了，轉來專心加班。
一直到無閒到四點半才做了印出來。
同事講我愈來愈緊，我不是最後一名。
我就怨嘆講：無法度，年紀愈大，就會愈緊出來。
是啦。
我這遍，就親像作彼款房間內的代誌共款
一開始拖歸晡攏無反應，牽拖東牽拖西，
結果正經做，一下仔就出來。
但是！擱一咧空缺尾無做，就是頓印仔。
親像放尿滲尿尾共款。
儂若老就是這爾無效。

同時間遇著一位水姑娘仔同事，伊嘛在無閒。
熟識伊已經十外冬，只是攏無相講話機會。
伊嘛曾經予儂投去大頭家遐。
就和伊講這幾冬來的時勢變化。

轉來聽著一首歌，唱著：艱苦頭，才有快活尾。
是啦，後遍我會較拍拚掘力咧，才會有快活尾啦。

............暗時補充................
暗時轉來到厝，腹肚有夠枵。因為中晝無食飯。
食了，小妹拄好位新竹轉來，欲歇寒啦。

標籤:

瀏覽次數:158 人氣指數:778 累積鼓勵:31

切換閱讀模式

回應

給他日記貼紙

給他愛的鼓勵

檢舉

給本文愛的鼓勵：