2011.02.11禮拜五-C│愛情公寓交友網站與聊天室

還沒登入愛情公寓嗎？還沒加入愛情公寓嗎？馬上進入公寓和 10,541,271 個住戶交朋友～

紅包抽抽樂！小資變土豪！

素人也能成為明日之星！

移除此區廣告請加入VIP

檔案狀態:

住戶編號:2268321

C 的日記本

快速選單

2011.02.10禮拜四《前一篇

後一篇》 2011.02.12禮拜六

回應

給他日記貼紙

給他愛的鼓勵

檢舉

篇名: 2011.02.11禮拜五
作者: C	日期: 2011.02.12　　天氣: 　心情:

昨日是禮拜五，舊曆初九，天公生。
咱故事繼續：
話講唐三藏師徒一陣人，繼續向西方行去。
猴齊天一透早就想欲向師父請假半日，轉去花果山踅踅巡巡看看一下。
聽講這段日子，歸粒山放空城，總是愛好好整頓一下。
師父就答應，但是約束中晝以前愛馬上轉來。

潑猴隨趕轉去花果山水濂洞。
眼前的情景使伊大驚失色！竟然連一隻猴影攏無！
歸座山實在有夠驚儂有夠亂。
離午時不過存一個時辰外，實在無從下手。
只好向仙姑娘娘、諸位菩薩請示，但是抑攏是無法度。
潑猴依照約束轉來，一時煞不知欲按怎開嘴講。
....................
繼續：
下晡原來是講欲去坐船過通天河
若講著坐船，沙僧以前在流沙河是捲簾大將軍，所以伊真熟。
所以就由伊取路。
結果！
竟然票已經賣了！
三藏的徒弟仔雖然會曉法術，但是現在只是普通平凡的人，所以嘛愛照規定買票啦。
沙僧只好取彼陣人，去附近｢夢境世界｣。
在夢境世界中，唐僧第一遍體驗飛上雲端：
只見雙腳漸漸離開地面，身體慢慢浮上天，
向下面看，凡間一切事物攏變得真細。
三藏師父感覺真心適，一點仔攏未驚，實在真勇敢啦。
潑猴煞想著｢二重天｣情景，心內不禁感慨萬千。

十外分鐘後就漸漸飛落地面，
一陣人就決定轉去，轉去以前，先去歇睏坐落來，食西域進口的飲料-咖啡。
咖啡應該算...素食吧？
潑猴忽然間接著妖怪的通知，講伊無愛演這齣戲啊，
想退場，是因為等足久，攏無伊的戲份，伊想欲辭頭路。
潑猴問製作單位何時即擱有伊的戲？
製作單位就講，你先演，予伊等通告，阮會擱和伊連絡。
..........
三藏師父一行人轉去了後，因為這日無經過通天河，沙僧想欲好好洗一下。
潑猴亦向師父報備外出，講欲整理身軀頂的猴毛。若無，會變作｢長毛猴｣。
這一切，仙姑娘娘在天頂雲頂攏看在眼裡。

暗時，師徒又開始上晚課。

標籤:

瀏覽次數:161 人氣指數:1181 累積鼓勵:51

切換閱讀模式

回應

給他日記貼紙

給他愛的鼓勵

檢舉

給本文愛的鼓勵：